--

Sport - ስፖርት

Kembata and Football: The area and its contribution to Ethiopian football

(By Habtamu Tadese, Durame - Jun 26, 2013)

...

Shimelis Bekele from Angacha(St George, Ethiopian National Team)

Currently football is by far one of the most important and entertaining sport type in the whole world and also becoming very important source of income too. When we see the global situation Brazil as a nation, the players and the supporters in particular are very mad in love for football and effective in footballing issues. In the case of Africa the same is true for Ethiopians even though we are not successful in international and continental tournaments our supporters are always by better than any other nation in their support and love for football, even though, our team is not successful due to different reasons.

The same is true for our Zonal football. We do have very mad football loving supporters, talented players playing in different teams in our country but poor sport administration. To mention some of our players Adane girma ( St. George club), the only goal scorer for our beloved country in last terms Africa Cup of Nations; Shimalis Bekele (St.George) , Cristiano Ronaldo of our country and many others in Hawassa Kenema and other clubs whom I don’ know their names. Even in the new champions of Ethiopian Biherawi league , Wolaita Dicha, we have Mekibib Degefu(yekero), the one who win the best goal keeper of the tournament; Mulaneh G/Medhin the best skipper of Wolaita Dicha team; Endale Haile of Halaba Kenama(our Wayne Rooney) are some of the many and there are many more talents waiting some favourable environment to shine and show their talents.

As to me we are represented in different clubs and National team better than our political representation in the country.

...

Adane Girma - (St. George, Ethiopian National Team)

...

Muluneh G/Medhin from Shinshicho (Wolaita Dicha defender)

...

Endale Haile from Durame - (Halaba Kenama striker)



Nowadays football is not seen as only playing and winning ; it is a good opportunity of job for our youths, it have good influence in sharing cultural and other social values, it is very important for youths to pass their time in healthy styles and leads to good behaviours and above all good source of income. But who is going to solve our Zonal football problems?

Mekibib Degefu from Durame, (Wolaita Dicha goal keeper)

...

Mekibib Degefu from Durame, (Wolaita Dicha goal keeper)

All our neighbouring zones are participating in either Ethiopian premier league or Biherawi (National) league but we don’t have any representative in either league in the presence of surplus amount of young talents.

How can we reach these levels of competition? What is expected from each of us? Share your views please...









የዱራሜ ከነማ እግር ኳስ ቡድን የደቡብ ክልል ሻምፒዮና ሆነ!

(በበፍቃዱ ወንዳየሁ፣ ሰኔ 22፣ 2007 ዓም)

...

ላለፉት ሁለት ሳምንታት በወለይታ ሶዶ ከተማ ሲካሄድ የሰነበተው የደቡብ ክልል ክለቦች የእግር ኳስ ሻምፕዮና/ውድድር በትናንትናው እለት(21/10/2007 ዓ.ም) በከምባታ ጠምባሮው የዱራሜ ከነማ እግር ኳስ ቡድን አሸናፊነት ተጠናቋል፡፡ እንደሚታወሰው አምና በተመሳሳይ ወቅት ወልቂጤ በተደረገው የክልሉ ሻምፒዮና ተመሳሳይ ውድድር የዛሬው “አምባርቾ ከነማ” ( የያኔው ዳምቦያ ከነማ) ዋንጫ አንስቶ የዞናችንን ሕዝብ እንዳኮራ፤ ዱራሜ ከነማ ደግሞ በዘንድሮው ውድድር ሌጋሲውን አስቀጥሏል፡፡ ይህንኑ ባህል ተከትሎ በሚቀጥለው ደግሞ የሺንሺቾው፣ የሙዱላ ወይም የዞኑ ሌላ ቡድን ተመሳሳይ ነገር እንደሚያደርግ በተስፋ ይጠበቃል፡፡

ለሚያያቸው በብዛት ደቃቃ ሰውነት ያላቸው በለትንንሽ እግሮቹ ትንንሽ ልጆች በጣም በሚያምርና በየደቂቃው ከመቀመጫ ብድግ እያስደረገ በሚያስጨበጭብ አጨዋወት፤ ትንሽዬዋ ልባቸው ትር ትር እያለች የላስቲክ ታኬታ (በቅጽል ስሟ ኢቦላ በምትባለው) ዘመናዊ የእግር ኳስ ጫማ ካደረጉ እግሮች ጋር እየተጋጩ፣ ከጎናቸው ቆሞ “ከምባታ !! ከምባታ !!” እያለ በኩራት ሲጨፍሩ የነበሩት እህትና ወንድሞቻቸው አንገት እንዳይደፉ ትንፋሻቸው እስኪሟጠጥ ጥረዋል፡፡ ብዙም በእንክብካቤ ያልዳበረውን ጉልበታቸውን ሳይሰስቱ አቅማቸው ከሚችለው በላይ ታግለው ያደረጉትን ልዩ ስሜት የሚሰጥ ትግል ምን አልባት እሄንን ጽሁፍ ስታነቡ ለአንዳንዶቻችሁ ላይገባችሁ እና ምንም እይነት ስሜት ላይሰጣችሁ እንደሚችል አስባለሁ፡፡ የማንነት ነገር ሆኖ ስለወገኑ በሚሰማው ጥቃቅን ነገር ሁሉ ኩራት ለሚሰማው እና ደስ ለሚለው ወገኔ ግን ምነው በስፍራው የተገኘ ያህል እንዲሰማው ሊያደርግ የሚችል ቋንቋና ቃል በኖረኝ አስብሎኛል፡፡ “ደሞ ለዚች” ብላችሁ እንደጅል/እንደሞኝ እንዳትቆጥሩኝ እንጂ፣ ብዙ ተገዳዳሪና ተወዳዳሪ በዙርያህ ቆሞ ከፍ ብሎ የመታየት ነገር እና በክብር “እኔ ነኝ” የማለት አጋጣሚን በእንደዚህ ዓይነት መድረክ ያጣጣመና ያገናዘበ እንደሚገባው አውቃለሁ፡፡

...

ባለትንንሽ እግሮቹ ዱራሜ ከነማዎች !

ባለትንንሽ እግሮቹ ታናናሾቼ ከጎናችሁ ቆመን አላፈርንም! ማንነታችንን ለሚያየን ሁሉ በክብር እንድናውጅ ምክንያት ሆናችሁናል ፤ ያላከበሯችሁን ሁሉ አክብራችሁ እንዲከበሩ አርጋችኋል ፤ ኮርታችሁ ከአቻወቻችሁ እኩል እንድትሆኑ እግሮቻችሁን ላላለበሱአቸው የወርቅ ሜዳልያ እልብሳችኋል ፤ እኔ ለሀገሬ በዚህች ባገኘኋት እድል እያላችሁ ከሽንሽቾ፣ ከሙዱላ ከዱራሜ ተሰባስባችሁ በንጹኅ እና ተንኮል ባልተማረው ልባችሁ ፍቅርና አንድነት እንደሚያሸንፍ፣ እኛ ስንዋደድ ጌታ እንደሚሰማን አስተምራችሁናል፡፡ … አሁን ምን ማለት እችላለሁ (የእናንተ ነገር አረ አንጀቴን አላውሶታል !! ምን ዋጋ አለው እኔ የምታውቁኝ እኔ ሆንኩኝ እንጂ )፡፡

ሌላ ፡-

ጨዋታው ሲጀምር የእትዮጵያ ብሔራዊ መዝሙር ተዘምሮ ነበር የተጀመረው -- ታዲያ ትርቢዩን ውስጥ ወደሜዳ ሲታይ ከክብር እንግጆች ባስተቀኝ በኩል ተቀምጦ የነበረው እና ሜዳ ውስጥ በፍቅር ተቃቅፈው የቆሙትን ትንንሽ ልጆቻችን ጨምሮ ኢትዮያዊው ወገኔ ስታዲየሙ ውስጥ ከነበረው ሌላው ሰው በተለየ ወኔና ስሜት ምንም ቃል ሳያዛንፍና ዜማ ሳያበላሽ የኢትዮጵያችንን ብሔራዊ መዝሙር ሲያዜም መስማት ልብ ይነካል --(ዋው !! – በናነተ እኮ አይታፈርም አልኩኝ ለራሴ/ )

አሁንም -- ለሰላም፣ ለፍትህ፣ ለሕዝቦች ነፃነት፣ በእኩልነት፣ በፍቅር፣ በአንድነት፣ እስከመጨረሻው ጸንተን እንደምንቆም እኔ ተስፋ አለኝ፡፡

ዱራሜ ሽንሽቾ --- የእኛ የእኛ -- ! እዜቾ እልል ሸዎ - - እዬ ኮ አማ ኦሶ እችዬ ከ ወጋ .. ! ሆሆሆ ይዬቤ … ማሌስን ደግን ማኑሁ መኑሁ ቅጡአንዶ --- አቤ አቤ ጎርታ -- ሌሎችም በጣም ደስ የሚሉ ልዩ ልዩ ጨዋታዎች ----- በተለይ ጭፈራውን ሲመሩ የነበሩትን አለማሁ ለገሰን፣ ሽመልስ ፤ አሴኔ አሰፋ እና ሌሎቹንም በግሌ እንዳመሰግናቸው አንባቢው ቢፈቅድልኝ -- በተጨማሪም ከወንዶቹ መሃል የባህል ልብሳችንን ለብሰው ውበታችንን ለጨመሩት ጥቂት እህቶቼ )

ቡድኑ በሶዶ ከተማ በቆየበት ወቅት በሞራልና በምክር፣ እንዲሁም ከከቀደመው ልምድ በማካፈል እስከመጨረሻው ለውጤቱ ማማር በሶዶ የአንባሳደርነት ድርሻቸውን ለተወጡ ምስጋና ይገባቸዋል ( የሁሉንም ስም ለመጥቀስ ባይቻልም በተለይ ፍጹም ማርቆስ እና ዳግም ደገፉ ፤ የድቻው በረኛ መክብብ ደገፉ )፡፡

በመጨረሻ ላስተላልፍ የምፈልገው መልእክት እነዚህ ባለተሰጥኦ ታዳጊዎች ትልቅ ደረጃ የመድረስ በግልጽ የሚታይ ተስፋ ያላቸውና በአሁኑ ጊዜ ትልቅ ተወዳጅነት ባለው በዚህ ዘርፍ በሄዱበት ሁሉ የሕዝባችንን ስም የሚያስጠሩ ስለሆኑ አቅምና ፍላጎት ያላችሁ መርዳት የምትችሉበትን መንገድ ልንጠቁማችሁ እንችላለን፡፡ ቀደም ሲል ከላይ ለመጥቀስ እንደሞከርኩት አብዛኛውን ጊዜ ቅድመ የውድድር ዝግጅት በሚያደርጉበት ጊዜ ያለ ላብ-መተኪያ ብዙ ዋጋ እየከፈሉና እየደከሙ ስለሚዘጋጁ፣ በቂ ትጥቅ ስለሌላቸው አብዛኞቹ የፕላስቲክ ታኬታ(እቦላ -በቅጽል ስሟ) እያደረጉ እና ከሌሎች ቡድኖች የውድድር ወቅት ላይ እየተዋሱ የሚጫወቱ ስለሆነ (በዚህኛው ውድድር በዚህ ረገድ ከነማው የነበረበትን ችግር ወላይታ ድቻን ዛሬ ያለበት ደረጃ ካደረሱት አንዱ ምርጡ የኛ ልጅ --መክብብ ደገፉ(የካ) ጫማዎችን ከጓደኞቹ በማሰባሰብ ለመፍታት ላደረገው ጥረት እጅጉን ሊመሰገን ይገባል ፡፡ ) ከተማው በየአመቱ ከማያልፍለት የበጀት ችግር ምክንያት በርካታ አስፈላጊ ነገሮች ሳይሟሉለት የሚወዳደር ቡድን ስለሆነ … ይህን ዘርፍ የሚወድ ሁሉ ይህ ቡድን ደቡብ ክልልን ወክሎ በቀጣይ በመላው ኢትዮጵያ ክለቦች ውድድር የሚሳተፍ በመሆኑ የሚችለውን ሁሉ ትብብር ቢያደርግ ጥሩ ሊሆን ይችላል፡፡(ፍላጎታችሁን ከገለጻችሁልን መንገዱን ልንጠቁማችሁ እንችላለን)

የክልሉ ስፖርት ኮሚሽን ዋንጫ ያገኘው ቡድን አሰልጣኝ እያለ ባልተለመደ ሁኔታ የሌላኛውን ቡድን አሰልጣኝ “ኮከብ” ብሎ በመሸለሙ ተቃውሞ አሰምተናል !!

ገና በሁሉም ዘርፍ እንደምቃለን ! እንልቃለን !

...

በሁሉም ዘርፍ እንደምቃለን

...

በሁሉም ዘርፍ እንደምቃለን

...

በሁሉም ዘርፍ እንደምቃለን

ስለምስሉ ጥራትና እንደኢት-ቴሌ መቆራረጥ ስለበዛበት የቋንቋ ችግር ይቅርታ እንጠይቃለን !!



የሐምበሪቾዋ ታዳጊዋ የጎል ማሽን

(በዳዊት ቶሎሳ ሪፖርተር ጋዜጣ፤ ጥቅምት 22 ቀን 2008 ዓ.ም)

ተወልዳ ያደገችው በደቡብ ክልል በከንባታ ጠንባሮ ዞን ዱራሜ ከተማ ሲሆን፣ ከአንደኛ እስከ አሥረኛ ክፍል ዱራሜ ተምራ፣ 11ኛ 12ኛ ክፍልን ወደ ሐዋሳ ከተማ በማቅናት ቀጥላለች፡፡

እግር ኳስን በስድስት ዓመቷ የጀመረችው ታዳጊዋ በወቅቱ ሠፈር ውስጥ ከሚጫወቱ ወንድ እኩዮቿ ጋር የምትጫወት ብቸኛ ሴትም ነበረች፡፡ በአካባቢው የነበረው የእግር ኳስ መጫወቻ ሜዳ መመቸትና በሩጫ ያላት ፍጥነት ወደ እግር ኳስ ሕይወት እንደከተታት ትናገራለች፡፡ እግር ኳስን ከትምህርቷ ጋር በማቀናጀት ተጉዛለች፡፡ በትምህርት ቤት ውድድሮችም ዱራሜ ከተማ በሚገኘው ‹‹አይዛክ›› የመጀመርያ ደረጃ ትምህርት ቤት እሷ ባስቆጠረችው ጎል ሻምፒዮን ማድረግ ችላለች፡፡ በ2001 ዓ.ም. ፕሮጅክት በመግባት ሁለት ዓመት ከሠለጠነች በኋላ የሐዋሳ የከተማ አስተዳደርን ወክላ በመጫወት እግር ኳስን ሀ ብላ ጀመረች፡፡ የደቡብ ክልልን በመወከል አዳማ ከተማ ላይ በተዘጋጀው የመላው ጨዋታ ውድድር ላይ 7 ጎል በማስቆጠር በኮከብ ተጨዋችነት ተመርጣለች፡፡

...

ሎዛ

በ2005 ዓ.ም. የሐዋሳ ከነማን ከተቀላቀለች በኋላ ጥሩ የሚባል ሁለት ዓመት አገልግላ፣ 2006 ዓ.ም. የሴቶች ፕሪሚየር ሊግ የከፍተኛ ጎል አስቆጣሪ ተፎካካሪ መሆን ችላለች፡፡ በ2007 ዓ.ም. ደደቢትን በመቀላቀልም አስደናቂ ውጤት ማሳየት ችላለች፡፡ የሴቶች ከ20 ዓመት በታች የዓለም ዋንጫ ማጣሪያ ከፍተኛ ጎል አስቆጣሪና የብሔራዊ ቡድን አምበል የሆነችው ወጣት ተጫዋች ሎዛ አበራን ስለ እግር ኳስ የሕይወት ጉዞዋ ዳዊት ቶሎሳ አነጋግሯታል፡፡

ሪፖርተር፡- እስካሁን ያሳለፍሻቸው የእግር ኳስ ጉዞዎች ስኬታማ የሚባሉ ናቸው፡፡ እግር ኳስ ውስጥ ያስገባሽ ፍላጎት ከየት መጣ?

ሎዛ፡- ከልጅነቴ ጀምሮ ትልቅ የሆነ የእግር ኳስ ፍላጎት ነበረኝ፡፡ ምንም እንኳ እዚህ ደረጃ እደርሳለሁ ብዬ ባላስብም፡፡ እኛ አካባቢ ለትምህርት ብቻ ትኩረት እንድናደርግ ነው የሚፈለገው፡፡ እኔም በትምህርቴ ላይ ነበር ትኩረት የማደርገው፡፡ ግን አካባቢዬ ላይ የነበረው የእግር ኳስ ማዘውተሪያ እግር ኳስን እንድወደው አድርጎኛል ማለት እችላለሁ፡፡ በተጨማሪም ፈጣሪም ያለ ምክንያት ወደዚህ ሥፍራ አላመጣኝም ብዬ አስባለሁ፡፡ ስለዚህ እነዚህ ነገሮች ተደማምረው ወደ እግር ኳስ እንድገባ አድርገውኛል፡፡ ዋናው ነገር ግን እኔ ከልጅነቴ ጀምሮ እግር ኳስ ስለምወድ መሰለኝ ወደዛው የገባሁት፡፡

ሪፖርተር፡- ለመጀመርያ ጊዜ ወደ ሴቶች የኢትዮጵያ ፕሪሚየር ሊግ ስትቀላቀይ ምን ዓይነት ስሜት ነበረ ውስጥሽ የነበረው?

ሎዛ፡- የኢትዮጵያ ሴቶች ፕሪሚየር ሊግ ከመግባቴ በፊት በሐዋሳ ከነማ በጣም ጥሩ የሚባል ጊዜና ልምድ አዳብሬያለሁ፡፡ በወቅቱ አብረውኝ ከነበሩ ጓደኞቼና አሠልጣኞቼ መልካም የሆነ ትምህርት አግኝቻለሁ፡፡ ወደ አዲስ አበባ ስመጣ በጣም ደስተኛ ነበርኩ፡፡ በተቃራኒው ደግሞ ብዙ ፈተና ይገጥመኛል ብዬም አስቤ ነበር፡፡ ምክንያቱም ከእኔ ጋር የሚፎካከሩ ተጨዋቾች ይኖራሉ፡፡ በወቅቱም የሚበልጡኝ ይኖራሉ፡፡ ስለዚህ እኔ በጣም ጠንክሬ መሥራት እንደሚኖርብኝ ገምቻለሁ፡፡ ግን ቀደም ብሎ በሐዋሳ በነበርኩበት ሰዓት እንዲሁም እዚህ ስመጣ የነበሩት አሠልጣኞቼ ያንን ችግር በደንብ ከሠራሁ ማለፍ እንደምችል አሳይተውኛል፡፡ ስለዚህ አዲስ አበባ መጥቼ ደደቢትን ስቀላቀል በጣም ደስተኛ ነበርኩ፡፡

ሪፖርተር፡- ከፕሪሚየር ሊግ ቆይታ በኋላ ለመጀመርያ ጊዜ በተሰበሰበው ከ20 ዓመት በታች የሴቶች የኢትዮጵያ ብሔራዊ ቡድን በመጫወት ላይ ትገኛለሽ፡፡ ለክለብ መጫወትና ለብሔራዊ ቡድን መጫወት እንዴት ይገለጻል?

ሎዛ፡- መጀመርያ ለብሔራዊ ቡድን ስመረጥ በጣም ደስተኛ ነበርኩ፡፡ ምክንያቱም ገና ፕሮጀክት ስጫወት የኢትዮጵያ ብሔራዊ ቡድን በዓለም አቀፍ ደረጃ ጨዋታ ሲጫወቱ ብሔራዊ መዝሙር ሲዘመር በቴሌቪዥን እመለከት ነበር፡፡ ቀደም ብሎ በ2004 ዓ.ም. የሉሲ ተስፋ ተብዬ መመረጥ ችዬ ነበር፡፡ በወቅቱ በጣም ልጅ ስለነበርኩ ዋናው ቡድን ውስጥ መካተት አልቻልኩም፡፡ ግን በጣም ደስተኛ ነበርኩ፡፡ ምክንያቱም ለብሔራዊ ቡድን መጫወት ምኞቴ ስለነበር፡፡ ከዚያ በኋላ ሥዩም ከበደ ብሔራዊ ቡድኑን ሲረከብ ድጋሚ ተጠርቼ ቋሚ አሰላለፍ ውስጥ መካከት ቻልኩ፡፡ ለብሔራዊ ቡድን ስትጫወት ትልቅ ኃላፊነት ይኖርሃል፡፡ ምክንያቱም አገርን ወክለህ ነው ወደ ሜዳ የምትገባው፡፡ ስለዚህ የሴቶች ከ20 ዓመት በታች ብሔራዊ ቡድን ጥሪ ተደረጎልኝ ስቀላቀል በጣም ደስተኛ ነበርኩ፡፡

ሪፖርተር፡- ከ20 ዓመት በታች የኢትዮጵያ ብሔራዊ የሴቶች ቡድንን ወክለሽ መጫወት ከጀመርሽ በኋላ ምንም እንኳ ቀሪ ጨዋታ ቢቀርም የተለያዩ ዓለም አቀፍ ውድድሮችን ተሳትፈሻል፡፡ በእነዚህ ውድድሮ ላይ በመሳተፍሽ ምን ጥቅም አግኝቻለሁ ትያለሽ?

ሎዛ፡- እስካሁን ባደረግናቸው ዓለም አቀፍ ጨዋታዎች የተለያዩ ነገሮችን መመልከት ችለናል፡፡ ሁሉም ብሔራዊ ቡድን የራሳቸው የሆነ ክህሎት አላቸው፡፡ ያ ክህሎታቸው ደግሞ እኛን ያጠነክራል፡፡ ምክንያቱም ከሁሉም ጋር ስንጫወት ልምድ ወስደን ነው የምንወጣው፡፡ ለምሳሌ መጀመርያ ላይ ከካሜሮን ጋር ስንጫወትና ከቡርኪና ፋሶ ጋር ስንጫወት የነበረው የተለያየ ነገር ነው፡፡ መጀመርያ ካሜሮን ላይ ያየነው ነገር ከቡርኪና ፋሶ ጋር ስንጫወት ብዙ ነገሮችን አሻሽለን ለመጫወት ሞክረናል፡፡

ሪፖርተር፡- በእነዚህ ዓለም አቀፍ ውድድሮች ላይ ከነበረሽ ተሳትፎ አንፃር የኢትዮጵያ ብሔራዊ ቡድን በቀጣይ የተሻለ ነገር ለመሥራት በፌዴሬሽኑ፣ በአሠልጣኙ እንዲሁም በተጫዋቾቹ ከሌሎች አገሮች ጋር በማነፃፀር እንዴት መሠራት አለበት ትያለሽ?

ሎዛ፡- ከ20 ዓመት በታች የኢትዮጵያ ብሔራዊ ቡድን ከተቋቋመ አጭር ጊዜ ነው፡፡ እንደተቋቋመ እስካሁን ባለው ጥሩ የሚባል ጉዞ የተጓዝን ይመስለኛል፡፡ ይኼ ደግሞ ለወደፊት በታዳጊዎች ላይ ከተሠራ የተሻለ ነገር ማምጣት እንደሚቻል ፍንጭ ያሳየ ነው፡፡ አሁን ያለው እንቅስቃሴ ብዙዎችን ታዳጊዎች ማለትም ከእኛ በኋላ የሚመጡትን እንደሚያነቃቃ ዕምነት አለኝ፡፡ ስለዚህ ከ15 ዓመት በታች፣ ከ17 ዓመት በታችና ከ20 ዓመት በታች ላይ መሠራት አለበት፡፡ ለዚህ ደግሞ በመጀመርያ ፌዴሬሽኑ መመስገን አለበት፡፡ ምክንያቱም ለእኛ ትልቅ የሆነ ድጋፍ አድርጎልናል፡፡ በቀጣይ ደግሞ ሁሉም የሚመለከታቸው አካላት፣ አሠልጣኙ፣ ተጫዋችና እንዲሁም ፌዴሬሽኑ በትኩረት መሥራት ይኖርበታል ባይ ነኝ፡፡

ሪፖርተር፡- አሁን ያለው ከ20 ዓመት በታች የኢትዮጵያ ሴቶች ብሔራዊ ቡድን ተጨዋቾች፣ አሥልጣኞችና ፌዴሬሽኑ ጋር ያለው ግንኙነት ምን ይመስላል?

ሎዛ፡- በእኛ መካከል ያለው ግንኙነት በጣም አስደሳች ነው፡፡ አሠልጣኞች በሜዳ ላይም ከሜዳ ውጪም በቅርበት ከእኛ ጋር ይሠራሉ፡፡ ያለውን ነገር ያስረዱናል፣ ይመክሩናል፣ ያበረታቱናል እንዲሁም ደካማና ጥሩ ጎናችንን በኅብረት እንድናስተካከል ይነግሩናል፡፡ ተጫዋቾቹም በጣም ደስ የሚል ፍቅር አላቸው፡፡ ፌዴሬሽኑም እንደዚሁ ትልቅ ድጋፍ ያደርግልናል፡፡ ስለዚህ በጣም ጥሩ የሚባል ጥምረት አለን፡፡

ሪፖርተር፡- በክለብና በብሔራዊ ቡድን ጥሩ የሆነ ጊዜን እያሳለፍሽ ትገኛሽ፡፡ በቀጣይ በእግር ኳስ ያለሽ ዕቅድ ምንድነው?

ሎዛ፡- ያው እስካሁን የሠራኋቸው ነገሮች እንዳሉ ሆነው በቀጣይ ብዙ መሥራት ይኖርብኛል፡፡ ምክንያቱም ገና ብዙ ይጠበቅብኛል፡፡ ከዛ በተሻለ ደግሞ በፕሮፌሽናል ደረጃ መጫወት እፈልጋለሁ፡፡ ከአገር ውጪ በመጫወት የተሻለ ተጨዋች በመሆን ለአገሬ ብሔራዊ ቡድን የተሻለ ነገር ማምጣት ፈልጋለሁ፡፡ ለዚህ ደግሞ እግዚአብሔር እንደሚረዳኝ ተስፋ አለኝ፡፡

ሪፖርተር፡- ለአንቺ በእግር ኳስ እዚህ ደረጃ መድረስ ረድተውኛል የምትይው አካል ካለ? እንዲሁም እዚህ ደረጃ ለመድረስ እንቅፋት ሆኖብኛል ብለሽ የምታነሽው ነገር አለ?

ሎዛ፡- በመጀመርያ እግዚአብሔርነ ማመስገን ፈልጋለሁ፡፡ በመቀጠል ደግሞ ቤተሰቦቼን ማመስገን ፈልጋለሁ፡፡ ለሴቶች እግር ኳስ ብዙም ትኩረት በማይሰጥበት ሁኔታ ውስጥ ፍለጎቴን ተረድተውና አክብረው ስለ ደገፉኝ በጣም ማመስገን እፈልጋለሁ፡፡ ሌላው እግር ኳስ እንድጫወት ከፕሮጀክቴ ጀምሮ ለረዱኝ አሠልጣኞቼን ማመስገን እፈለጋለሁ፡፡ ሁሉም በእግር ኳስ ሕይወቴ ውስጥ ተጉዘዋል፡፡ በዚህ የእግር ኳስ ጉዞ ውስጥ ትልቅ እንቅፋት ሆኖብኛል የምለው ችግር የለም፡፡ አብዛኛዎቹ ነገሮች በጊዜው ነው የተሳኩልኝ፡፡

ሪፖርተር፡- በቅርቡ የኢትዮጵያ እግር ኳስ ፌዴሬሽን የገንዘብ ሽልማት አበርክቶላችኋል፡፡ አንቺም የ18 ሺሕ ብር ተሸላሚ ሆነሻል፡፡ ይኼ ሽልማት ለእናንተ መስጠቱ ምን የተለየ ነገር ይፈጥራል ብለሽ ታስቢያለሽ?

ሎዛ፡- የተደረገልን ሽልማት ወደ ፊት ከዚህ የበለጠ እንድንሠራ ይረዳናል፡፡ ምክንያቱም በዚህ አጭር ጊዜ ውስጥ ይኼን ያህል ስለተንቀሳቀስን ተሸላሚ መሆን ችለናል፡፡ ይኼ የገንዘብ ሽልማት ደግሞ የበለጠ በርትተን እንድንሠራ ያበረታታናል፡፡ ስለዚህ በዚህም ደስተኛ ነኝ፡፡ ፌዴሬሽኑንም ማመስገን እፈልጋለሁ፡፡

ሪፖርተር፡- በትምህርት ደረጃ በኮሌጅ የጤና መኰንን ተማሪ ነሽ፡፡ ወደፊት በትምህርት ያለሽን ቆይታ ከእግር ኳስ ጋር ለማስኬድ ምን ያህል ዝግጁ ነሽ?

ሎዛ፡- በኮሌጅ የጤና መኰንን የሁለተኛ ዓመት ተማሪ ነኝ፡፡ በእግር ኳሰ ብቻ ሳይሆን በትምህርቱም ማድረግ ያለብኝን መስዋዕትነት ከፍዬና በአግባቡ ተምሬ፣ መጨረስ እፈልጋለሁ፡፡ ይኼን ለማካተት ደግሞ ፕሮግራሞቹን አስተካክዬ ትምህርቱን መከታተል እፈልጋለሁ፡፡

ሪፖርተር፡- በቀጣይ ቀሪ የዓለም ዋንጫ ማጣሪያ ይቀራል፡፡ በዚህ ቀሪ ጨዋታ ላይ ምን እንጠብቅ?

ሎዛ፡- ውድድሩ ገና አልተጠናቀቀም፡፡ በቀረን ቀን ልምምዳችንን ጠንክረን በመሥራት የተሻለ ጨዋታ እንደምናሳይ ዕምነት አለኝ፡፡ ሁሉም ተጫዋቾች ደግሞ ተመሳሳይ ስሜት እንዳላቸው አምናለሁ፡፡ ስለዚህ ከጋና ጋር ባለን ቀሪ ጨዋታ አሸንፈን እንደምንመለስ ትልቅ ተስፋ አለኝ፡፡

ምንጭ፣ ሪፖርተር ጋዜጣ፤ ጥቅምት 22 ቀን 2008 ዓም'


የአምባርቾ እግር ኳስ ክለብ ደጋፊዎች - Ambaricho football Club supporters

(በአለማሁ ለገሰ ፣ December 28, 2016)

...

እንባ ባቀረሩ ዓይኖች በሀገር ፍቅር በተሰበረ ልብ ስሜትን በሚገዛ ንግግር በትዝታ የኋሊት አስጉዞ ከ31 ዓመት በኋላ ወደተሳተፍንበት የአፍሪካ ዋንጫ በደቡብ አፍሪካ እና ስለነበሩት መሰናክሎች ስለተከፈለው ዋጋ እና ስለመጣው ለውጥ ጭምር ባወሳው የዛሬው ፓ...ናል ውይይት ዙሪያ ይሆናል የዛሬው ዝግጅታችን። መልካም ንባብ.. ...

የተከበሩ የዞናችን ርዕሰ መስተዳድር ክቡር አቶ አንተነህ ፍቃዱ የዞናችን ስፖርት ኮሚሽን ሀላፊ ክቡር አቶ ሰላሙ አማዶ እንዲሁ የዞናችን ባህል ቱሪዝምና የመንግሥት መገናኛ ብዙኃን ሀላፊ ክብርት ወይዘሪት ደሥታ አለንጎ እና ሌሎች በተለያየ ደረጃ በመንግሥት የሥራ ኃላፊነት የሚገኙ አባላትንና የስፖርቱ ቤተሰብ ከአምባርቾ ክለብ አሰልጣኞችና የክለቡ ተጫዋቾች በታደሙበት በዚህ የውይይት መድረክ የሀገር ባለውለታ እና የማይረሳ ታሪክ የሠሩ የሀገራችን ታላላቅ ሰዎች 1ኛ. የካፍ ሲንየር ኢንስትራክተር አቶ አንተነህ 2ኛ. የቀድሞ የኢት/ያ ብሔራዊ ቡድን አሰልጣኝ ሰውነት ቢሻው ስለእግርኳስ መሰረታዊ ጠባይና ለእድገቱ ስለሚያስፈልጉ ነገሮች ወሳኝ ያሏቸውን በመዘርዘር ለህዝቡ ገለፃ አድርገዋል።

ብዙዎች በውይይቱ በመገኘታቸው እጅግ ደሥተኛ መሆናቸውን በተናገሩበት በዚህ መድረክ በርካታ የስፖርቱ ማነቆዎችና የመፍትሄ አቅጣጫዎችን ከነበራቸው የረዥም ጊዜ የካበተ ልምድ አንፃር ማብራሪያ የሰጡት አሰልጣኝ ሰውነት ቢሻው ስፖርት ሊያድግ የሚችልባቸው ያሏቸውን መንገዶች ሲጠቁሙ፦

1ኛ. ጠንካራ የፋይናንስ መሰረት ሲኖረው ነው ። ለዚህም እንደ ዋቢ የጠቀሱት ለብቁ ተጫዋቾች ግዥ ፣ለትጥቅና ለመጫወቻ ኳሶች ግዥ ፣ለስፖርት ማዘውተሪያና መሰል ግብዓቶች ወሳኝነት አለው ሲሉ የእንግሊዝ ሀያላን ክለቦች ቼልሲንና ማንችስተር ዩናትድን እንደምሳሌ በማንሳት ነበር።

2ኛ.የማያቋርጥ ድጋፍና ክትትል

3ኛ. እና ዋነኛው ያሉት በደጋፊ ማህበር ጠንካራና ስፖርታዊ ጨዋነትን በተላበሰ ድጋፍ እና የጋራ ሥራ በማለት አብራርተዋል። አክለውም አሰልጣኝ ሰውነት ቢሻው ጤናማ ያልሆነ አደጋገፍ በክለቦች ህልውና ላይ ከፍተኛ የሆነ አደጋ እንዲጋረጥ ከማድረጉም በላይ የቡድን የጋራ መንፈስ እንዳይኖር እንቅፋት ይሆናል ብለዋል።

በመቀጠል መድረኩን ተቀብለው ማብራሪያ የሰጡት የካፍ ሲኒየር ኢንስትራክተር አቶ አንተነህ ሲሆኑ የተለያዩ በህይወት ዘመናቸው በተጫዋችነትና በአሰልጣኝነት ዘመናቸው ያካበቱትን ልምድ ካካፈሉ በኋላ ለዞናችን ርዕሰ መስተዳድር አቶ አንተነህ ፍቃዱ ካፍ በስፖርቱ ዘርፍ ከፍተኛ ድጋፍና ትኩረት ለሚያደርጉ የሀገር መሪዎች የሚሰጠውን የክብር ሽልማት በአሰልጣኝ ሰውነት ቢሻው አማካኝነት አበርክተዋል። አያይዘውም ባልተመቻቸ ሁኔታ ውስጥ በግል ጥረት አልፈው ለራሳቸውና

...

ለእናት ሀገራቸው ከፍተኛ አስተዋጽዖ ያበረከቱና እያበረከቱ ያሉ እንደነ አዳነ ግርማ ፣ሎዛ አበራ ደሥታ ጊቻሞ ፣በረከት ኃይሌና ወዘተ ጠቅሰው በቡድን ውስጥ ተካተው በመጫወት ብቻም ሳይሆን በድጋፍም ግምባር ቀደም የከምባታ ልጆች እንደነበሩ ገልፀው በደቡብ አፍሪካ በተካሄደው የአፍሪካ ዋንጫ ወቅት ደጋፊዎች በፈጠሩት ሁከት ፊፋ የጣለብንን የ10ሺህ ዶላር ቅጣት የከምባታ ተወላጅ የሆነው ወጣት ባለሀብት በራሱ ሙሉ ፈቃድ እንደከፈለም በመጥቀስ የውይይቱ ታዳሚዎች ምስጋናን እንዲያቀርቡ ጠይቀዋል።

በመጨረሻ ክቡር አቶ አንተነህ ፍቃዱ እንደማጠቃለያ ሀሳብ አድርገው ከደጋፊች ስለሚነሳው ያሉትን ተገቢ ያልሆነ ጣልቃ ገብነት በማለት ያነሱትን ሀሳብ አብዛኞች በከፊል የተቀበሉት ሲሆን እንደ ምሳሌ የጠቀሷቸው አርባምንጭ ፣ ሳውላ ፣ባሌ ሮቤ እና ዝዋይ ላይ የነበረው እየመራን የተሸነፍንባቸው ጨዋታዎች ምክኒያት ብለው ያቀረቡት ግን ከሎጂክ ውጭ የነበረና ለአሰልጣኞቹ ሽፋን ለመስጠት ሆን ብለው ያቀረቡት እንደሆነ ነው የውይይቱ ተሳታፊዎችና በወቅቱ የነበሩ ደጋፊዎች የጠቆሙት። ደጋፊዎቹ እንደምሳሌ የተጠቀሙት የሊቨርፑልና የኤሲ ሚላን የሻምፕየንስ ሊግ የፍፃሜ ግጥሚያን ሲሆን አንድ ቡድን ስንትም ጎል ቢያስቆጥርም ለማሸነፉ እርግጠኛ መሆን የሚችለው በጎል ቁጥር ሳይሆን 90 ደቂቃ ሲጠናቀቅ በሚነፋው ፊሽካ ብቻ ነው ሲሉ አስታየታቸውን ሰጥተዋል።

እንስትራክተሮቹ ከዞኑ ለተወጣጡ የእግርኳስ አሰልጣኞች ሥልጣና የሰጡ ሲሆን በነገውም ዕለት ሥልጠናው እንደሚቀጥል ታውቋል።

የዞኑ ርዕሰ መስተዳድርና የክለቡ የበላይ ጠባቂ ከዞኑ ስፖርት ቢሮ ሀላፊ ጋር በመሆን ተከታታይ የውይይት መድረክ ከደጋፊውና ከስፖርቱ ቤተሰብ ጋር እንደሚያደርጉም ይጠበቃል።

በነገው እለት ስለሚኖረው ውሎ እና መሰል ተዛማጅ ጉዳዮች በነገው ምሽት ዝግጅታችን ይጠብቁን ። መልካም ምሽት ተመኘን!!

ዘገባዎቻችን በጥራትና በፍጥነት ያገኙ ዘንድ

#Like ከተመቸዎት

#Comment ጥያቄ አልያም አስታየት ካለወት አልያም

#Share በማድረግ ለወዳጅ ዘመድ እንዲ ደርስ ያግዙን።

ሐምበሪቾ እግር ኳስ ቡድን ወሳኝ ምዕራፍ ላይ ነው

በሐምበሪቾ ዙሪያ ( ሃምበሪቾ ዶት ኮም - 17/06/2016)

...

ሐምበሪቾ እግር ኳስ ቡድን በኢትዮዻያ ብሄራዊ ሊግ ላለፉት ሁለት ዓመታት ሲሳተፍ እንደነበረ ይታወቃል፡፡ በእስካሁኑ በሊጉ የዘመኑ ውድድር ከምድቡ በአንደኝነት ወደ ማጠቃለያ ውድድር ማለፉን ያረጋገጠ ቢሆንም በአገሪቱ ካሉት ሊጎች በሁለተኛ ደረጃ በከፍተኛነቱ ወደሚታወቀው “ሱፐር ሊግ” ለማለፍ በውድድሩ ከሚሳተፉት 16 ክለቦች ውስጥ ከስድስቱ አንዱ መሆን ይጠበቅበታል፡፡ በቀላሉ ስናሰላው በአራት ምድብ ከሚከፈሉት አራት አራት ቡድኖች ውስጥ ከምድቡ አልፎ ሩብ ፍጻሜ ውስጥ ለመግባት ከፍተኛ ጥረት ማድረግ ይኖርበታል ማለት ነው፡፡ ሩብ ፍጻሜ ውስጥ ከገባ በኋላም ከስድስቱ አንዱ ለመሆን ቀጣዩን ትግል ማጠናከርና በድል መወጣት ይኖርበታል፡፡

ባሁኑ ወቅት በቡድኑ ዙሪያ ካለው ጠንካራ ሞራልና ድጋፍ አንጻር በጥሩ ውጤት ወደ ቀጣዩ ሊግ እንደሚያልፉ የብዙዎች ግምት ቢኖርም የእግር ኳስ ነገር ስለማይታወቅ ዝግጅቱን በማጠናከር፣ ለሁሉም ጨዋታ እኩል ግምት በመስጠት፣ ተደጋግፎ በመስራት ግምቱን እውን እንዲሆን ሐምበሪቾ ብሎግና የፌስቡክ ግሩፕ መልካም ምኞቱን ይገልጻል፡፡ ለዝግጅቱ እንዲያግዘው ከጎባ ጋር በዚህ ሳምንት መጨረሻ የሚያደርገውን የመጨረሻ የምድቡን ጨዋታ በጠንካራ አቋም በአሸናፊነት መወጣት ይጠበቅበታል፡፡

መልካም እድል ለሐምበሪቾ!

www.hambaricho.com

Contact Form